Te waiata tangi a Rangiuia : he kaupapa tuhi hei tutuki i nga tikanga o te tohu matauranga Pukenga Toitikanga o Nga Kaupapa Maori Te Whare Wananga o Manawatu
Loading...
Date
1993
DOI
Open Access Location
Authors
Journal Title
Journal ISSN
Volume Title
Publisher
Massey University
Rights
The Author
Abstract
He whainga kaupapa tenei mahi, he hokihokinga ki nga puwananga, ki nga ruamatauranga o te po. Ko te take, ko te whai, ko te hopu, ko te mau i tenei mea te matauranga, hei titi ake i runga i te mahuna Maori. Hei aha hoki ?; hei korero, hei wananga, hei whakamana hoki i te hinengaro Maori, i te korero a te Maori i te ao nei. Heoi tenei au te hokai nei i taku tapuae ki nga huarahi, ki nga huanui i whaia ai e Pu ma, e Rua ma, e Matau ma, e Tohunga ma. Me kore ake ka taea te timotimo atu ki nga mokamoka korero kua mahue muri mai; kati auatu, kaore e taea te aha, me whai-a-mua. Ko te kaupapa o tenei korero, he ata wananga i te waiata tangi a Rangiuia o Te Aitanga a Hauiti, o te whare wananga o Te Rawheoro, Uawa, Tairawhiti. Ko te take hei whakautu i te patai nei; i whakanuia peheatia a Te Rawheoro e te waiata tangi a Rangiuia, kia noho ai hei whare wananga whaimana i te rohe o Te Tairawhiti ? Ko taku e mea nei, i whaimana a Te Rawheoro mai rano i te po, tatu iho ki te wa i a Rangiuia ma, ki enei ra hoki. No te mutunga o te wananga ka noho ko tona tangi hei taonga, hei tauira korero mo nga kaupapa o Te Rawheoro, na reira i whaimana hoki i te wa e ngarongaro haere ana, e pokia ana nga korero a te whare wananga.
Description
Text written in Maori
Keywords
Maori poetry