Browsing by Author "Hōhepa, Wiremu"

Now showing 1 - 1 of 1
  • Thumbnail Image
    Item
    Ngā Marae o Te Māhurehure
    (Massey University, 1989) Hōhepa, Wiremu
    Ko ngā kōrero e pā ana ki te pukapuka nei he mea tuhi nāku mo a mātou tamariki mokopuna o te hapu e whakaingoatia nei ko Te Māhurehure. Ko te pātai e pēnei ana, "He aha ngā mea nui o roto i te ao Māori?" Ko te whakahoki, "He tangata, he tangata, he tangata." I roto i aku whakamārama katoa mo ō mātou marae e rima, i roto i taku kāinga iti, o Waima, ko ngāa tāngata katoa ko rātou nei ngā kai-hautu me ngā kai-awhina i ngā kaupapa katoa, e pā ana ki ia marae, kei te whakanui au i a rātou katoa, no te mea ko rātou ngā kai-whakamahana i enei marae, i te ao, i te pō, i ngā rā, i ngā wiki, i ngā marama, huri te tau, huri te tau. Ko ngā taonga katoa na rātou i tuku iho ki a tātou, mai rā anō i te wā kōhatu, manaakitia, puritia, kia kore ai e memeha, i roto i te ao hurihuri, e noho nei tātou i roto inaianei. Tamariki, mokopuna mā, kia maumahara koutou i ngā wā katoa ki o tātou tūpuna kua wehewehe atu ki te po. Na rātou tātou katoa i tū tangata ai, i roto i tō tātou Māoritanga!