Browsing by Author "McGregor, Taina Hoia Tangaere"

Filter results by typing the first few letters
Now showing 1 - 1 of 1
  • Thumbnail Image
    Item
    Ngā wāhine ā ngā 'Kau-pōai' o te ope rua te kau mā waru, 1939 - 1945 : ngā pakanga -- ngā mahi -- ngā piki -- ngā heke : a thesis
    (Massey University, 2000) McGregor, Taina Hoia Tangaere
    Nga Whakaaro e Nga whakaaro e Kei tawhiti e Ahakoa te roanga atu Te pakanga e kakati mai nei Homai aroha taukuri e E te aroha e kia piri atu Awhi mai o ringa ki te Hokowhitu-a-tu Hei tanga manawa i roto i enei ra Te takawaenga, te takawaenga Pupuritia. (Tuini. 1985.25) I tuhia e Tuini Ngawai ngā aue ā-ngākau ā ngā wāhine ki roto i tēnei waiata; ā rātau māharahara mo ngā tama. ngā hoa tāne hoki i te pakanga tuarua.¹ Ngawai, Tuini. 1985. Tuini Her Life and Her Songs. Te Rau Press, Gisborne. P.25. Tuini Ngawai was born in Tokomaru Bay, on the 5th of May 1910. Ā renowned songwriter. Koira wētahi o ngā aue i te haerenga o ngā hoia. I taua wā anō, i te tau 1940, i te hapu ngātahi toku māmā me tana taina a Hune Pēwhairangi. No te tua whitu o ngā rā o Whiringa ā Nuku, i haere tahi rāua ki te hōhipera whakawhānau pēpi i te whanga o Waipiro. I taua pō i whānau te pēpi ā Hune—he tama, kā tapaina e ia ko Tame higarangi Kent, no te mea i Kent i Ingarangi to rāua tūngāne ā Tame me te ope o te rua tekau ma waru i taua taema. Ao ake i te ata pō o te tuawaru o ngā rā o Whiringa ā Nuku, kā whānau mai awau, ā, kā tapaina e tōkū māmā ko Taina Hoia hai ingoa mōku. Anō hai māhara ake mo to rāua taina ā Tame. Engari, no te whakawhititanga ā wērā o ōnā tūngāne ā Hōne Tāmati me Pita, kā kī ia, arā mā tōkū ingoa rātau tokotoru e maumāhara ake. E rua tau i muri mai. kā whānau anō he pēpi ma ōku mātua—he tama. I tapaina ko Veterans Furlough hai ingoa anō mo Tāme me wērā o ngā hoia i hoki mai i te tau 1943 ki te whakangā mo te toru marama, ā, i hoki anō ki te mura o te ahi. Ko rātau ngā hoia tuatahi i whakawhiti ki rāwāhi. I mate ohorere noa iho ā Furlough, kua pakari tonu kā mate atu. Koianei ngā āhuatanga o tōku whānau i aua wā. He haihana te tūngā o Tame, ā, he ai ki ngā kōrero ā wētahi o ngā hoia mōna, he tangata pakari, ā, he tohunga mo te mau pēneti. Ko ā ia tonu te kaitohutohu mo te mau, me te whakaako i ngā huārahi patu tangata mai i tēnei tāonga. Koira, ko tāna i hoki mai i taua taema, ki te whakaako hoia mo tērā mahi. E rua rawa ngā taema i hoki mai ia, ā, i hoki anō.² ₂ Interview June Pewhairangi, 1997. I whakawhiti ā Tame mā runga i te Aquitania, i te rā tuarua o Haratua, te tau 1940. Koira te ope i karangahiā ko ngā '39's'. Ko Hōne Tāmati, te pōtiki o te whānau, i haere mā runga i te tima te S.S. New Amsterdam, ā, kā tere hāngai atu to rātau tima ki Ihipa i te rā rua tekau mā tahi o Hōngoingoi, te tau 1943. No te tau 1944, ā Pita, te mātāmua o rātau, i haere ai. I wehe atu tōnā ope mā runga i te S.S.Highland Princess i te rua tekau mā iwa o Pīpiri. I hoki katoa mai rātau. I te hokingā mai ki te kāinga, kua mate kē to rātau māmā—tōkū tipuna ā Hineititia Peti Tunuwhare Kaua. Nā te mate arahau ia i hemo ai.[FROM INTRO]