Browsing by Author "Pewhairangi, Te Ataakura"

Now showing 1 - 1 of 1

Hei kura mō ngā mokopuna : he mokopuna taku iti, he tipuna taku rahi : he kaupapa i tuhia mō Te Tohu Paerua ki Te Pūtahi-ā-Toi, Te Kunenga ki Pūrehuroa, Aotearoa
(Massey University, 2022) Pewhairangi, Te Ataakura
I te paringa mai o te huaketo kowheori 19 ki ō tātau whenua, ka kati ngā tatau ki ō tātau kōhanga, ki ō tātau kura, ā, ko ngā tini whakaaro i te rere haere ki roto i awau, ka pēhea te ako tonu a āku tamariki reo Māori, otirā ngā tamariki Māori puta noa i Aotearoa? Ko te take i whakatūria ai te kōhanga reo, te kura kaupapa Māori me te wharekura, kia whakarauora i te reo, i ngā tikanga Māori, i te ahurea Māori. Ko ngā mātāpono o Te Aho Matua he tūāpapa o ngā whakahaeretanga katoa i roto i ngā kura kaupapa Māori. I tere kite ake me whakatū ake tētahi kaupapa hei whakakotahi i ngā whānau kia rere tonu ai te reo Māori i ngā kāinga, kia ako tonu ai ā tātau tamariki me ō rātau whānau, kia rongo tonu ai hoki tātau i te taura here tāngata ahakoa e noho pākati ana i ngā kāinga. Nā tēnei i toko ake te whakaaro i waenga i a mātau ko tōku whānau kia whakaritea mai tētahi kura ā-ipurangi, ko Kura Mō Ngā Mokopuna. Ko tāku i te tuhinga nei he whakamārama i ngā mahi i whāia e mātau nga raukura o Te Aho Matua kia tū ai tēnei kaupapa o Kura Mō Ngā Mokopuna; te orokohanga mai o te whakaaro kia tū ai te kaupapa nei, te whakamārama i te kaupapa, ā, me te hunga i tonoa kia whai wāhi mai ki te whakahaere i te kaupapa nei. Otirā, ka tirohia ko ngā hua o te kaupapa i puta i te uiui ki ngā kaiako me te patapatai ki ngā whānau i piri mai ki te kaupapa nei. Ka kitea a Kura Mō Ngā Mokopuna hei kaupapa whakarauora reo mā ngā tamariki i te kainga i te taha o te whānau e whakatinana ana i ngā mātāpono o Te Aho Matua. Ko te tūmanako nui he āwhina kei roto i te kaupapa nei mā tētahi atu e whai whakaaro ana kia whakaritea mai tētahi kaupapa whakarauora reo mā te hangarau pēnei i roto i ō rātau whānau, i ō rātau hapori hoki.