Massey Documents by Type

Permanent URI for this communityhttps://mro.massey.ac.nz/handle/10179/294

Browse

Has files: YesSubject: search.filters.subject.Immersion method

Search Results

Now showing 1 - 2 of 2
  • Thumbnail Image
    Item
    Te Kura i Huna : te whakahāngai i ngā pūrākau hei wheako akoranga tino whai hua i ngā kura kaupapa Māori : He tuhinga rangahau hei whakatutuki i ngā tikanga o Te Tohu Kairangi i te Kunenga ki Pūrehuroa, Papaioea, Aotearoa
    (Massey University, 2023) Moeahu, Alishia Rangiwhakawaitau
    Ka whai mana tonu ngā mahi pūrākau i te mātauranga Māori, i te mea kei te pupuri ēnei kōrero i ngā taonga tuku iho ā wō tātau tūpuna. Ka taea hoki ngā pūrākau te whakarato i ngā pūmanawa ako i roto i te akomanga. Nā reira ko te kaupapa matua o tēnei rangahau, ko te tūhura ki te whakahāngai i te pūrākau, i te pakiwaitara, i te kōrero tuku iho hoki, hei wheako akoranga tino whai hua i roto i ngā kura kaupapa Māori. I whakahāngaitia anō tētahi huarahi rangahau, tikanga Māori, mā te whakamahi i tētahi anga o ‘Ngā Tai o Whakaaro’ me ngā mātāpono o Te Aho Matua, hei wetewete i ngā raraunga, me te whakaatu i ngā uara e huna ana i ngā pūrākau. I whakamahia te tātaringa kaupapa (thematic analysis) i ngā tikanga arohaehae me ngā kaupapa pūputu i ngā raraunga (Braun & Clarke, 2006). I whakamaheretia te rangahau nei, ki ngā pātai, mai roto i ngā uiuinga, ki te tirotiro ki te whakamahinga o ngā pūrākau, ki roto i ngā mahi whakaako o ngā kaiako e waru, i roto i ngā kura kaupapa Māori. Ko te pātai matua: He nui ngā hua i puta mai i ngā kitenga i ngā kaupapa maha, me te hononga anō o ngā kaupapa ki ngā mātāpono o Te Aho Matua. Ka tirotiro e te rangahau nei ēnei tino hua. Ko te whakamahinga o te pūrākau, he whai mana ki te whakatinana i te mātauranga Māori, kua mau ki roto i ngā pūrākau. E whai hua ana te whakamahi pūrākau hei whakaakoranga i ngā wheako ako. Kua kitea te angitū me te orangatonutanga o te mātauranga i roto i ngā kura kaupapa Māori nā te whakamahi pūrākau. Kua kitea hoki te whakaritenga anō o te pūrākau, kia torotoro i te kaha o te ako, hei tautoko i ngā mahi ako mō te roanga o te wā. Ko te whanaketanga ahurea anō hoki tētahi āhuatanga kua kitea.
  • Thumbnail Image
    Item
    Raukura : te rau o te kura i wawatatia = knowing what its [i.e. it's] like to be different, learners valuing diversity : a thesis presented in partial fulfilment of the requirements for the degree of Master of Arts in Māori Studies at Massey University, Palmerston North, New Zealand
    (Massey University, 2001) Collier, Emma Edda
    Ko tēnei tuhinga roa e tiro ana ki te take i whakakaupapatia te kura whakangungu o Raukura. He aha te tūāpapa arotake te huarahi kia taea e te tangata, ahakoa ko wai ia, e hiahia ana ki te hokinga tuarua ki te kimi mātauranga tika māna. Heoi anō ko te whakatūwhera i ngā kuaha hei urunga mā te maha noa atu o te Māori, kāore i waimarie i mua ki te mātauranga i tōna wā i kuraina ai. He maha noa atu ngā take e pehi nei, ā, ehara i te mea he ngāwari ki te whakatikatika. Ināianei tonu, ara noa atu ngā mahi kei te mahia, pēnei i te kura whakangungu o Raukura, hei whakarahi ake i ngā painga kia whakatutukihia e te Māori āna whāinga. Mā te whakawhitiwhiti whakaaro ka taea ētahi ariā pakari, araiā whai kiko kia whakamahia ngā kaupapa here me ngā rauemi o nāianei. Kia tōtika ake te whakamahi i ēnei akoranga mō ngā akonga Māori. I whakamanahia a Raukura hei tautoko, hei hiki ake i te reo me te Matauranga Māori i Te Kupenga o Te Mātauranga me Rangitāne whānui tonu, me te whakaoho ake te ngākau tauira. No reira mai i te timatanga kua oti kē te whakarite, ko te reo Māori te tūāpapa hei kawe i ngā akoranga e akohia ana i ngā whāinga paetae ia rā. Ko te tikanga mā wēnei tauira e whakaako te reo me ngā tikanga i ngā wharekura, nā kua puta atu i tēnei whare takiura. Me te mohio mārika hoki ka taea te kawe tika te kaupapa, mō rātou ake, me te iwi Māori. Ko ngā putanga āhua e tauiratia nei ināianei, ka kitea i ngā Kōhanga Reo me ngā Kura Kaupapa Māori. [FROM INTRODUCTION]