Massey Documents by Type
Permanent URI for this communityhttps://mro.massey.ac.nz/handle/10179/294
Browse
2 results
Search Results
Item Te Kura i Huna : te whakahāngai i ngā pūrākau hei wheako akoranga tino whai hua i ngā kura kaupapa Māori : He tuhinga rangahau hei whakatutuki i ngā tikanga o Te Tohu Kairangi i te Kunenga ki Pūrehuroa, Papaioea, Aotearoa(Massey University, 2023) Moeahu, Alishia RangiwhakawaitauKa whai mana tonu ngā mahi pūrākau i te mātauranga Māori, i te mea kei te pupuri ēnei kōrero i ngā taonga tuku iho ā wō tātau tūpuna. Ka taea hoki ngā pūrākau te whakarato i ngā pūmanawa ako i roto i te akomanga. Nā reira ko te kaupapa matua o tēnei rangahau, ko te tūhura ki te whakahāngai i te pūrākau, i te pakiwaitara, i te kōrero tuku iho hoki, hei wheako akoranga tino whai hua i roto i ngā kura kaupapa Māori. I whakahāngaitia anō tētahi huarahi rangahau, tikanga Māori, mā te whakamahi i tētahi anga o ‘Ngā Tai o Whakaaro’ me ngā mātāpono o Te Aho Matua, hei wetewete i ngā raraunga, me te whakaatu i ngā uara e huna ana i ngā pūrākau. I whakamahia te tātaringa kaupapa (thematic analysis) i ngā tikanga arohaehae me ngā kaupapa pūputu i ngā raraunga (Braun & Clarke, 2006). I whakamaheretia te rangahau nei, ki ngā pātai, mai roto i ngā uiuinga, ki te tirotiro ki te whakamahinga o ngā pūrākau, ki roto i ngā mahi whakaako o ngā kaiako e waru, i roto i ngā kura kaupapa Māori. Ko te pātai matua: He nui ngā hua i puta mai i ngā kitenga i ngā kaupapa maha, me te hononga anō o ngā kaupapa ki ngā mātāpono o Te Aho Matua. Ka tirotiro e te rangahau nei ēnei tino hua. Ko te whakamahinga o te pūrākau, he whai mana ki te whakatinana i te mātauranga Māori, kua mau ki roto i ngā pūrākau. E whai hua ana te whakamahi pūrākau hei whakaakoranga i ngā wheako ako. Kua kitea te angitū me te orangatonutanga o te mātauranga i roto i ngā kura kaupapa Māori nā te whakamahi pūrākau. Kua kitea hoki te whakaritenga anō o te pūrākau, kia torotoro i te kaha o te ako, hei tautoko i ngā mahi ako mō te roanga o te wā. Ko te whanaketanga ahurea anō hoki tētahi āhuatanga kua kitea.Item Te wheko a te pīrere : he kaupapa i tuhia mō te tohu paerua Te Pūtahi-ā-Toi, Te Kunenga ki Pūrehuroa, Papaioea, Aotearoa, Hakihea 2007(Massey University, 2007) Poutū, HinurewaKo te kohanga reo, ko te kura kaupapa Maori, ko te wharekura nga kakano o moehewa i tiritiria ki te awe kapara e ngai tongakengake me te awhero nui kia pOawai mai he mara o te reo, o nga tikanga Maori kia matomato ano ai te tupu mai. I te kohanga reo, ka whakaritea te tamaiti ki te manu e ohi mai ana i te ahurutanga o te kopae, o nga manu katua i te wao nui a Tane. Ko te tomanako matuatua o te hunga nana te hua o kohanga reo i whakawhanau, hei tona raro ka rere, ka tiu, ka topa nga pTpT paopao o te kaupapa ki nga ikeikenga o te rangi, ka korokT, ka tToriori mai i te wao. Kua neke atu i te 25 nga tau o te kohanga reo, a, kua neke atu i te 20 tau nga kura kaupapa Maori e tOto mai ana i te motu. Ka rere nga tau ka purea e te hau, ka koparuparu i te ua, ka whitikia e nga hihi o Tamanuite- ra. Kua tupu nga pTpT, kua whakapTrahoraho, a, kua roharoha nga paihau, ka rere atu ki tua o te kohanga. Ko te patai ia ka mahuta ake i te whatumanawa, kua pehea te rerenga ate pTrere? Ae ranei, kua marO tana haere i te huanui, kua tangatanga, kua waingohia? Ae ranei kua wheuaua, kua hOkerikeri te karawhiu o te haurokuroku? He aha tana e mahara nei? He pehea ona whakaaro ki tana i kite ai, ki tana i rongo ai i te ohinga? He aha tana, ta te wheko mai ate pTrere? Kua takoto, koia, ko te wheko ate pTrere hei takapau mote kaupapa rangahau nei, e rangona ai, e whakaoa mai ai nga korero, nga huatau, me nga wheako o te hunga i pakeke mai i te kohanga reo, ka whakawhiti kite kura kaupapa Maori, ki te wharekura, a, ka puta ki te ao o taipakeke.