Ngā mahi tinihanga a Māui : a tikanga Māori approach to the literacies of Māui the trickster : he mahere rautaki whakaako tēnei mā te kaiako mō te whānau e noho pōkaikaha nei i raro i te maru o te Ara Poutama Aotearoa : he tuhinga whakapae hei whakatutuki i ngā tikanga o Te Tohu Paerua, Te Pūtahi-ā-Toi, Te Kunenga ki Pūrehuroa Massey University, Te Papaioea, Aotearoa
Loading...
Date
2020
DOI
Open Access Location
Authors
Journal Title
Journal ISSN
Volume Title
Publisher
Massey University
Rights
The Author
Abstract
I te tau 2019, i whakaputaina te mahere rautaki o te Ara Poutama Aotearoa, arā, ko Hōkai Rangi e mea ana; “kei te aro atu te karauna ki tā rātou haepapa matua kia hanga i tētehi rautaki hou ki te whakaheke i ngā tatauranga, i te tokomaha o ngāi māori i roto i ngā whare herehere, i runga anō hoki i ngā whiu me ngā tono hapori puta noa i Aotearoa. Nā ngā whānau, hapū, iwi, hapori whānui te kōrero, kāore te pūnaha o te Ara Poutama i te āwhina i ō tātou tāne, i ō tātou wāhine, i ō tātou rangatahi, i ō tātou whānau anō hoki me panoni, ā, me panoni ināia tonu nei” (Ara Poutama Aotearoa, 2019, wh. 1). I a au e mahi ana i te whare herehere o Remutaka, i whakaaro au ki te tokomaha o aku tauira me ō rātou pūkenga auaha ki tēnei ao. Nōku te māringanui i whai wāhi au ki te wāhanga tuatahi, arā, ki Te Waharoa. He kaupapa hua nui tēnei mō ngā tama toa o Te Whare Whakaahuru. Āpiti atu, he kaupapa hei whakaora i te reo me ngā tikanga Māori, he kaupapa hei whakaara ake i ngā poupou kōrero o Te Whare Tapa Whā (Durie, 1998), he kaupapa hei whakawhanake i te ahurea Māori. Ka mutu, he kaupapa anō hoki hei whakaohooho i te tuakiri o te tangata. Mā te wānanga tahi ka rongo au i te hiakai o ngā tauira ki tēnei mea te ako me te mātauranga. Mā te kōrero tahi ka angitu te titiro ki te huarahi ako o tēnā tauira, o tēnā tauira. Mā te mahi tahi ka puāwai ko te reo matatini me te reo pāngarau mā roto mai i te tikanga Māori. Mā te tikanga Māori e whakawhānui te tirohanga Māori, ā, e whakapuaki te kōrero “ki te whakaaro Māori koe ka kite koe i te māramatanga”. Āpiti atu, ki te kuhu atu te tauira ki ēnei tūmomo āhuatanga o te Māori, ka rongo rātou i te wairua me te hōhonutanga o te whakaaro ki tā te Māori titiro ki te ao. Ko ēnei kaupapa te huarahi ki te ora hei whakaako i ngā momo reo pērā i te reo matatini me te reo pāngarau ā te Pākehā ki ngā tauira. I te mutunga iho, ka whakahokia anō te mana me te tino rangatiratanga ki a rātou, kia eke ai ngā tauira ki te pae o angitu.
Description
Keywords
Māori Masters Thesis, Māori Thesis te reo Māori