Te tai tahito : e wai e taea te kupenga whīwhiwhi? : he pūrongo whakaaturanga i tuhia hei wahanga tutuki ai i ngā herenga mō te Tohu Paerua Toi Maori - MMVA Te Kunenga ki Pūrehuroa, Te Papaioea, Aotearoa

Abstract

Ko te aronga i roto i tēnei whakaaturanga kia whakaohooho mai i a tātou a ngāi tangata ki ngā tūāhuatanga o te taiao o Hinemoana, me he kauhanga riri mō ngā uri a Ikatere ā otira i ngā tauritenga mō ngāi Māori, me ā tātou nei ‘āhuatanga ako’, otirā ngā mātauranga tuku iho, ā mohoa noa nei. Kua kōwhirihia ngā momo kaitoi e anga nui ana ki ngā kōrero me ngā pakiwaitara e kawe nei i ngā mātauranga tuku iho. Koirā te tirohanga ki a kupenga rāua tahi ko ana hoa haere a petipeti me ā rātou nei paki kōrero, me ngā tikanga tuku iho. Ahakoa ngā taukume me ngā taupatupatu o ngāi Tauiwi ki a tātou, ko te mea nui ko te mau me te ū tonu ki a tātou ake nei mātauranga tuku iho, me ngā āhuatanga ako tā ngāi Māori titiro. Ka titiro ki te whakaaturanga i mua waenganui i ngā tau 2016 - 2018 me te aronga ki ngā hanganga hīnaki, otirā te kupenga hei papa muri kōrero mō ngā mātauranga tuku iho. Kātahi ki ngā whakaritenga i roto i tēnei whakaaturanga nei, ‘Te Tai Tahito: E wai e taea te kupenga whīwhiwhi?’, me te whakaatu i tana whaitake me te whakatauira i ngā āhuatanga ako ki tā te Māori titiro. Hei te mutunga iho he tūmanakotanga e taea te whakautu i tēnei whakatauki nei, ‘e wai e taea te kupenga whīwhiwhi?